განძისა და ლეგენდარული ქალაქის მაძიებლები გუგლის გადაწყვეტილებამ შეაშფოთა და ინტერნეტსივრცეში მწვავე დისკუსიები წარმოიშვა. კონსპირაციის თეორიის მოყვარულების აზრით, გუგლის გადაწყვეტილება აშშ-ს მთავრობისა და საიდუმლო სამსახურის ნაკარნახევი იყო, რადგან აღნიშნულ ადგილას მართლაც აღმოაჩინეს ატლანტიდის კვალი. ცივილიზაცია, რომელიც ამ მიდამოებში ცხოვრობდა, იმდენად განვითარებული იყო, რომ მეცნიერებს საფუძვლიანი ეჭვი აქვთ იფიქრინ, რომ ისინი არადედამიწური წარმოშობის იყვნენ და ატლანტიდა კი არ განადგურდა, უბრალოდ მასობრივი მიგრაციის შედეგად დაიცალა. “ატლანტიდოფილების” აზრით, უცხოპლანეტური ტექნოლოგიების დაკონსერვებისა და საკუთარ ლაბორატორიაში გადატანის მიზნით აშშ-ს მთავრობამ და გუგლმა კვალის წაშლა განიზრახეს.

შეთქმულების თეორიის მიმდევრებს აზრს ისიც უმყარებთ, რომ გუგლმა ხელოვნურად ჩაანაცვლა ერთი მითიური ქალაქი მეორეთი და ახლა კოლხეთის დაბლობზე ლაზიკის ხილვა შეიძლება. მოქალაქევი (მომავალი ქალაქი *ავტ. შენ.) 3D ტექნოლოგიებით არის შექმნილი და ნებისმიერ მომხმარებელს აძლევს კორექტირების უფლებას, მათ მიერ არსებული ლეგენდების საფუძველზე. გუგლის ადმინისტრაცია იმედოვნებს, რომ ლაზიკა Google Earth-ის ჰიტი გახდება და ბევრი ადამიანი, რომელსაც არარსებული ქალაქებით გართობა უყვარს, გულს დაუდებს მომავალი ქალაქის მშენებლობას და საკუთარ ოცნებას, საქართველოს მთავრობასთან ერთად, რეალობად აქცევს.

10 თებერვალს, პროგრამის განახლებული ვერსიის გაშვებისას, მიხეილ სააკაშვილის ვირტუალური, 3D ვერსია ლაზიკაში ატლანტიდის მემორიალს გახსნის და პატივს მიაგებს ჩაძირულ ქალაქს. პრეზიდენტის ადმინისტრაციის მიერ გავრცელებულ პრესრელიზში ნათქვამია: “დროა დავივიწყოთ ძველი ატლანტიდა და ერთად ჩავუყაროთ საფუძველი ახალს”.

Related posts:

1. პარლამენტის ვირტუალურ თავმჯდომარეს ხელფასი და პენსია დაენიშნება
2. საქართველოში ობამას კლუბები გაიხსნება

როგორც კოკოითი აცხადებს, მას სასტუმროების ასაშენებლად ფული არ აქვს, სწორედ ამიტომ მან დამხარებისთვის სააკაშვილს მიმართა. “ჩოჩიევის პირით შევუთვალე, ცოტა ხნით შემოვალთ თქვენს დაქვემდებარებაში, აგვიშენე სასტუმროები და მერე ისევ გავალთ, ხალხში თავს ნუ მომჭრი-მეთქი და ამ სისხლისმხმელმა დიქტატორმა უარი მთხლიშა.” – დასძინა კოკოითმა.

როგორც ქართველი ექსპერტები აცხადებენ, კოკოითს მანამდე რუსეთისთვისაც მიუმართავს ფულადი სახსრების გამოყოფის თხოვნით და ერთგვარი ფანდიც ჩაუტარებია. “სულ ცოტა ხნის წინ, კოკოითმა ცხინვალი დააძინა და მერე “ხლაპუშკების” ხეთქვა ატეხა, სწორედ ასე უნდოდა რუსეთის გაცურება.” – აცხადებს შოთა მალაშხია. დეპუტატის განცხადებით, რუსეთი კოკოითის ფოკუსს არ წამოეგო და “პრეზიდენტს” ალიყური აჭამა.

პრობლემების მიუხედავად ცხინვალი მაინც მიიღებს უცხოელ სტუმრებს და ღამის გასათევად ოჯახებში გადაანაწილებენ. “მაგათ არაყს დავალევინებთ და მერე შეიძლება სულ ბოსელში დაიძინონ” – განაცხადა კოკოითმა, ოღონდ კულუარულად.

No related posts.